HStAOrient5a: 6v

dünyānuñ ve ehālīsinüñ ʿömrleri biñ üçyüz yıldan ziyādedür. // Ve Mesīḥüñ ḫurūcına ve resūl-i āḫirü z‑zamānuñ ẓuhūrına vaʿd vardur. // Ve bunlaruñ ḫurūcında taḥrīm‑i sebtüñ irtifāʿına daḫı vaʿd vardur. // Pes s̱ābit oldı ki naql ėtdükleri teʾyīd‑i dīn ü taḥrīm ḥażret‑i // Mūsāya iftirādur. Al‑ʿiyāẕu bi‑llāhi / wa‑la-in sullim yaʿnī teslīm ėdelüm ki ẕikr // ėtdükleri kelām Tevrātda mektūb olsun. // Ammā devām‑i mezbūr ṭūl‑i müddetden ʿibāret // olsun ve Anā ḫātamu n‑nabīyīn qavlinde // lām‑i ʿahd içündür. Murād zamānesi // enbiyāsıdur./ Ve bu qıṣṣa maʿrūfdur ki // ḥażret‑i Mūsā ʿaleyhi s‑selām devrinde dört biñ mebʿūs̱ nebī vardı. // Bir gün ḥażret‑i Mūsā ʿaleyhi s‑selām Cebrāʾīl ʿaleyhi s‑selāmı // havāda ṭayerān ėdüb ol enbiyāya Allāhu taʿālā cānibinden // inzāl‑i vaḥyi giderken gördi. Ḥażret‑i Mūsāya ġayret ġalebe // ėdüb Allāhu taʿālā emriyle dört biñ nebīnüñ rūḥı // bir gėcede qabż olındı Wa‑anā ḫātamu n‑nabīyīn kelāmı ol // maqāmda vārid oldı. Wa‑dalīlunā [samʿan] ʿalā ǧawāzi n‑nasḫi bal // ʿalā wuǧūdihī l‑mustalzami li‑ǧawāzihī. Ehl‑i islāmuñ cevāz‑i nesḫe // belki cevāzı müstelzim olan vücūd‑i nesḫe delīl‑i semʿīleri // budur ki nikāḥ‑i aḫavāt şerīʿat‑i Ādemde mevcūd idi baʿdehū // mensūḫ oldı. Ve gendü cüzvi ile istimtāʿ ḥelāl idi. // Zīrā ḥażret‑i Ḥavvā Ādemüñ żılʿından maḫlūq idi ṣoñra